Categoría: Obradoiros

O mércores desta semana terá lugar un novo obradoiro de Aula PrestaShop, esta vez en Santiago de Compostela, no IES Pontepedriña.

Neste caso o obradoiro será a guinda dunha colaboración que xa comezou meses atrás cando, de xeito telemático, púxose en marcha unha nova instalación de Aula PrestaShop que profesorado e alumnado deste centro santiagués veu utilizando satisfactoriamente durante este tempo. Continuar leyendo «Obradoiro no IES Pontepedriña de Santiago»

A partires do obradoiro sobre Aula PrestaShop levado a cabo no CIFP Rodolfo Ucha, e froito tamén de colaboracións posteriores, o profesor de informática do centro ferrolán Ero Sante ven de adaptar a ferramenta ás características específicas do seu hosting contratado con CubeNode.

Continuar leyendo «Adaptacións de Aula PrestaShop do CIFP Rodolfo Ucha»

O pasado martes, no marco doutro grupo de traballo, esta vez con sede no IES Chan do Monte, tivo lugar outro obradoiro sobre a ferramenta Aula PrestaShop, que se celebrou nas instalacións do CFR de Pontevedra.

Na sesión presentáronse algunhas novidades da ferramenta, que agora utiliza a última versión de PrestaShop (1.7.2.4.). Durante a demo, utilizouse un novo script que automatiza e axiliza un pouco máis o proceso de implantación dun novo sistema de tendas, ao tempo que se correxiron algúns erros no mesmo. E por último tamén se fixeron propostas de mellora, tanto técnicas como funcionais que poderán aplicarse en futuras versións.

O vindeiro xoves 25 de xaneiro, se todo vai como o previsto, impartirase no CIFP Rodolfo Ucha Piñeiro de Ferrol un primeiro obradoiro para realizar unha nova instalación de Aula PrestaShop, o panel de tendas online con PrestaShop para uso didáctico.

Durante un máximo de 4 horas levaranse a cabo de xeito guiado as tarefas requeridas para replicar o sistema segundo as necesidades concretas da audiencia do obradoiro, complementando a práctica coas explicacións teóricas necesarias para ser quen de administrar o sistema que poderá quedar funcionando ao rematar a xornada. Continuar leyendo «Obradoiro no CIFP Rodolfo Ucha de Ferrol»